This post is completed by Anthony Cheung (74), with credit as follow.
最新資料: 2023.5.5 RC65TH Open Day Master Video，經過兩個月籌劃及前後期製作， 準時在學校禮堂慶祝65周年播放; 但校長話: [影片唔可以公開播映]，所以呢度無得睇 !
RC60TH60周年紀念影片: 製作情況
[影片要在2018年11月首播]: 經過約6個月既籌備 / 尋找檔案影片 / 拍攝 / 剪接 / 自創音樂， 完成了 !
呢個應該算係我2015年莎剪接及管理事業退休後，義務為學校製作既第一個超複雜 [一個人全部負責] 完成攝製進程既宣傳影片。
成個製作過程，真係好複雜既。因為我要完成所有工序。
其實我只係工作上既[剪接師]及[製作資源管理人員]，咁都可以做攝影師噃 (呢個只係我既興趣)！
( 其實: 呢啲人 : 真係好難搵到架 ! )
剪接: 係製作進程既後期階段，真係好煩，要好記性(記得啲片源)，耐性，跟足電腦技術要求，要有創意，要死纏爛打，要知道導演心意，要在限期前有貨交，就係咁。
唔專心: 係唔可以做剪接師架 !
( 唔知大家明唔明我講乜 ? )
在攝製前期: 我仲要負責埋走場拍攝，點死 !
攝影背囊: 有10公斤重既器材，夏天34℃ 揹住都好甘架 !
其實，喺我在職其間，電視台係唔會有咁樣要一個人做完一個項目 (project) 既: 因為，故事本身係要分割開好多工序既同事做既 !
未開工，我已經可以預見到會係點既鏡頭成品。
學校帶給我既事業 : 我唔係讀電影既 !
1976年尾學校介紹我由菲林剪接師訓練職位做起，闖過37年，職級至行政、製作資源管理 #係要還既。
37年既工作，都係圍繞呢類範圍，令我增闊好多攝製經驗。
#全力製作一條宣傳片：在2018年60周年校慶開放日首播。
#邊個係策劃呢：咁梗係校長團啦！
#邊個係攝製呢：梗係我及 Sammy Tang 啦！
要搵齊學校既存檔活動影片 (只有進入學校影片
檔案庫條 link: 發生過乜嘢事，唔知; 要既片仲要好花時間揀嚟下載) ; 亦要新拍好多應屆活動片：整個運作過程，只有我清楚。
睇住一張建議拍攝既日期清單，就要排期去拍攝。
到跑馬地拍攝足球訓練場: 氣溫達34度℃以上，熱死我。
所有影片, 要有兩個電腦硬碟歸類存檔備份，以策安全。
剪接階段：要好集中精神將全部揀好既素材歸類，只有我自己既思路，就讓自己個腦帶領啦。
自己過去熟悉既學校環境、人物，#將時光串連起來。
有一天早上：突然有靈感，用iPad既 #GarageBand 砌咗 #一首配樂，出咗第一個版本，就無改動過。
直接將音樂放上影片，竟然發覺音樂與畫面好配合。
起碼我自己覺得啦。
又 #無人俾意見：#無人覺得配樂是甚麼！
#製作進程既技術事情，可以略去了。
可喜是：3-4個月既製作時光，真係好順利。
兩個星期前起貨，核對人名、職銜，測試播放等。
電腦既嘢：隨時都會有一啲 #估計唔到既事情 會發生。
無人同我研究影片既事情：整個運作過程，只有我清楚，其他人都幫唔到我。
因為大家既視線，只會集中到開放日既活動。
一條宣傳片：只係陪襯。
#我隨時都 ready。
#Youtube輸出: 校友網 ( https://www.youtube.com/channel/UCq14LkmCR7Zj3DZklDbwXow ) 2015年起計，我有212條唔同版本既影片輸出: 包括學校活動、宣傳、校史館開幕、RC60TH 校慶、家教會活動、烹飪、99HKG 童軍活動、YU7紅十字會、校友回校參觀、校友團聚宴會、中/小學畢業禮、退休謝校長生日會等。
至緊要： #唔好剪完當垃圾！
監製、編製、導演、策劃、資料搜集、攝影、收音、場務、硬照、備份、剪接、搜集檔案影片、配樂、旁白、中/英字幕、名咭、核對、輸出、觀眾。
#準時有貨交：有賴攝影器材、製作電腦、網絡運作。
#製作千祈唔好將不同版本混亂咗，#我都幫你唔到。
#電腦都報銷了兩部。
