2022.8.28大澳小龍錦標賽激戰(1)

Updated: Sep 13

2022大澳小龍錦標賽上/下半場:-

分混合、社團、女子、公開、慈善 共5大組

(羅便臣道2號) #2RobinsonRd [高主教舊生龍舟隊] : 係下午1:25公開組 (於37場公開組初賽D組)

攝影師第一時間: 早啲趕到現場拍攝片段。

Shooting/editing with mobile phone on site: Anthony Cheung (74)

現場上午影片:

https://youtu.be/EVzYezZ_4qM (新增加有現場聲)

https://youtu.be/uFKTOvamTEE (現場第1版)



特別訊息:

有興趣想參加龍舟隊嘅舊生都可以報名入隊㗎!

即刻同我哋嘅龍舟隊召集人黃仁樂師兄 Charles Wong 報名喇!

報名電話/ WhatsApp:9811 9884

email:yan_lok_wong@hotmail.com

IG: @yanlokcharleswong


以下得到 [領隊: Charles Wong ] 對錦標賽詳細情況、檢討、現場賽事作出評論。


(羅便臣道2號) 高主教舊生龍舟隊奪得: 2022大澳小龍錦標賽公開組銀碗 第五名。

校友隊 (有新加訪問片段) https://youtu.be/cWD6aXlnCYY

精彩比賽片段影片:https://youtu.be/aVOs2cFX6ek



[領隊: Charles Wong ] 評論有關出席是次小龍舟賽程: 訓練目標, 比賽能力, 如何適應現場環境;

起步訊號,鼓手節奏,隊員扒艇節奏:快慢/大細力,發力姿勢,齊力感,漿法如何:-


是日賽事,由黃仁樂帶領。

Charles Wong 黃仁樂(96 S7)

隊員有:

Dominic 張溢昌(72 F5)

Anthony 郭錦鴻(78 F5)

Johnathan 鍾鳴亮(92 F5)

Calvin 霍為隆(93 F7)

Bertha 宋雪楓(06 F7)

Che 車信樂(外援)

Bobo 陳寶怡 (外援)


所有隊員中午時份到達大嶼山大澳會場,經熟悉現場後,隊友就熱身伸展吓,傾吓扒槳策略。

是日賽事係小龍舟賽,船上需要8位隊員(船身會較輕),另加鼓手指揮及掌舵平衡龍舟。全日安排咗39場初賽、8場複賽及8場決賽,去爭奪銀碗、銀碟、銀盃、金碗、金碟、金盃、及女子銀盃、金盃等獎項。

(羅便臣道2號) 高主教舊生龍舟隊 經公開組初賽、複賽及決賽,終奪得公開組銀碗第五名

當日現場中午氣溫,估計高過34⁰C以上, 陽光好猛烈。

(羅便臣道2號) 約下午1:30應戰首場初賽,經召集上船,將小艇扒到起點。賽程到終點全程約有200米, 扒得快就大概約只需1分鐘內(實際係約50秒), 就可以分出勝負。


賽道係大澳鹽田海傍對出,有一條直既欄杆道路,觀眾可以沿途好清楚睇到哂整個賽程。

由上午9時到下午3點半,共有234隊小龍舟隊伍,經過初賽、複賽及決賽, 就會出現冠軍人馬。實情係要到下午約5點至完成所有賽事及頒獎禮。

(羅便臣道2號) 高主教舊生龍舟隊在下午,都要經歴3次激烈賽程, 奪得公開組第5名。


領隊Charles有如下評論:-

喺疫情之下,高主教舊生龍舟隊經歷唔少嘅挑戰。比賽當日,亦都有隊員因為成為密切接觸者未能出席; 但係經過一輪周旋,其中一個師兄隊員透過佢嘅人脈,得到其他勁旅嘅支持,派出佢哋嘅隊友來支持我哋一齊參賽。

大澳龍舟賽事一向係一個龍虎之地:即係話好多勁旅都會參加賽事。我哋今次越級挑戰,一來係俾隊員喺疫情之下有多啲比賽嘅機會; 此外,亦都挑戰吓自己嘅能力,亦藉此檢討自己嘅不足,令到大家更加有進步。

200米嘅賽道其實極具挑戰性:大家需要喺 [爆炸力] 同 [耐力] 之間作出取捨。所以對隊員嘅體力有一定嘅挑戰:如果體力不足,根本唔可以用同一個力度同埋節奏去完成整個賽事;但係如果依照平時嘅節奏,就會比其他隊伍超越。所以喺隊員嘅坐位、節奏、同埋力度要有好小心嘅分配。

隊員賽後評論:-

Bertha: 佢哋冇向前望過😂 漿頻超快😂🤣; 人哋5漿已經去咗無雷公咁遠; 你睇番第一round, 我哋喺第五線,第6線係消防; 起步就唔見咗條龍舟🤣🤣🤣

教練 Gary Chow (92 S4): 大澳係高層次比賽嚟

Calvin: 鼓手都好重要😆

Bertha: 我覺得佢個鼓手好嘈😂

Allan: 鼓手高聲吶喊,以壯志氣和軍容,尤其喺衝線嗰十幾廿槳,極為關鍵!👍

扒手下手好直,pivot point很robust,上手推手也很直和力水很勁,入水必定又夠深,導致右手頭鳶佢嗰支槳出現微曲!再者,支槳入水垂直平行拍貼船身,力量矢量全用於向前,功效極高!落槳很前,一寸長一寸強,Other things being equal,每槳平均比其他前半寸都不得了!奈何由於高頻,划幅不能太闊!💪💪

領隊Charles補充:-

此外亦都要多謝咁多位隊員對龍舟嘅熱誠。喺烈日當空之下,仲要來回數小時先至可以到達大澳,如果唔係對龍舟同呢個隊伍有熱誠,係絕對唔會參加呢個比賽!我亦都慶幸我哋嘅隊員有熱誠,排除種種困難,參與一個越級挑戰嘅賽事,好多謝大家!


攝影Anthony Cheung(74) 後記:2022.8.28早上,我一路喺現場拍攝,靜靜雞走入廣播後台:拍攝兩位現場評述員既報導實況, 佢地好緊張咁大聲講。

側邊有一位女士,突然伸出手掌,示意我唔俾入嚟拍攝。

我無停機,盡量拍,話拍埋就走。所以第1條片中 (0'40") 會有1隻手突然揚揚吓,都好有真實感。

https://youtu.be/uFKTOvamTEE

https://youtu.be/EVzYezZ_4qM (新增加有現場聲)









Dominic, Charles, Bobo, Bertha, Che, Calvin, Anthony, Jonathan 出賽前留影


1. 賽事攝影小記: Anthony Cheung K K (74) 要快, 要足, 要好: 就要行多啲、睇多啲、留意多啲、影得好啲、仲要預留充足時間去做 !

https://youtu.be/EVzYezZ_4qM (新增有現場聲)

https://youtu.be/uFKTOvamTEE (現場第一版)



大澳碼頭拍攝記晒到變炭頭了。我有戴帽、防晒、帶水、帶乾糧。

11點早到咗, KK 現場行咗幾個圈,知道比賽運作, 盡快用手機及細相機拍咗好多片, 跟住即刻用手機 VN Editor 剪片,上傳 Youtube 俾校友睇。(中午12時許: 第1條片已經上咗天, 都符合咗電視媒體記者既第一要求啦)。

為咗方便剪接, 唔要現場原聲了, 只配音樂。

2022.8.28: KK 預咗整日嚟幫(羅便臣道2號) 龍舟隊拍攝大澳小龍舟賽事。主要係爭取出賽經驗, 體驗吓中龍20人及小龍10人既扒漿力量及節奏。

海邊賽道有200米長, 睇返賽事紀錄片,最勁既賽艇在50秒就可以扒畢全程, 比賽扒手們有好好臂力同齊心,鼓手指揮得很齊。

當日烈日當空:氣溫應該超過 34⁰C。 好在場地係鹽田海邊碼頭大空地及沿岸賽道, 略有海風。

場地沿途設有幾個大水喉花酒位, 方便龍舟扒手爽快地淋水、冲身。我當然唔可以淋水降溫啦。

照計拍攝呢啲場景:要帶 DSLR大機 連遠攝鏡頭, 先至夠力。但係, 估計天氣會好嚴酷, 晒死人;我實在唔可以帶咁多重嘢。

所以, 只帶 細機 Canon G7X Mk II (連單棍: 都無用,係唔方便), Go Pro 8 (都無用到) 及手機補充零碎鏡頭 (亦用嚟即拍即剪、上傳Youtube: 成功完成一條早上既片)。 Nikon D610 及135 mm lens 就無帶了, 太重啦。

喺現場:原來下午1:30 至係(羅便臣道2號)初賽第一場。

要經歴3次賽事至可以算完成計名次賽,安排直至下午4點有多,當日總共有 39場賽事。

事前,我都買咗一個略大個既麵包預防頂肚, 原來係我下午既救命包。 否則, 我就會血糖降低 (現場再買嘢食,都 OK 既)。

晒到黑炭咁, 完成咗接近7個小時既拍攝工作。只用細相機, 攝影質素當然差啲啦。


後記:

臨走:接近下午 6點, 抬頭一望, 見到夕陽景色都好靚啊。

拍埋佢啦。

F11 1/1250 ISO-200